خاص بوابة بيروت
كاتبة وناشطة سياسية
عنجد من القلب، ألف مبروك لكل شب وصبية شاركوا ببرنامج “يلا ندبك”.
رجّعتوا الفرح لبيوتنا، ورجّعتوا الدبكة لمكانها الطبيعي، نبض الأرض وروح الناس. من برجا، العبادية، النبطية، وبعلبك، كانت المنافسة محبّة وراقية وبتشبه لبنان الحقيقي.
مبروك لبرجا على المرتبة الأولى،
مبروك للعبادية على المرتبة الثانية،
مبروك لفرقة جدور على المرتبة الثالثة،
ومبروك لفرقة شمس بعلبك على المرتبة الرابعة.
مبروك لكل الفرق، لأن الربح الحقيقي كان للتراث اللبناني.
والمشهد الأجمل، لما اجتمع الكل على أغنية “دبكة لبنان”.
بهاللحظة ما عاد في مراكز أولى أو ثانية، صرنا كلنا لوحة وحدة.
كانت دبكة جامعة، صورة وطن عم ينبض، وفعلاً كنتوا كلكن أبطال المسرح وأوائل بقلوب الناس.
هيدا هو لبنان يلي منريده، فن بيجمع، تراث بيرفعنا، وصورة حضارية بتخلّينا نفتخر قدّام العالم.
كل التوفيق والنجاح بخطواتكن الجاية، ومن نجاح لنجاح أكبر.