بعد هجومه على زوجة ابيه ملحم جونيور يُهاجم نزار فرنسيس : ابتعد عن أُمي

بعد التصريح الذي أدلى به ملحم بركات جونيورنجل الفنانة مي حريري، ضد زوجة ابيه رندا عازار.

هنا وجاء دور الشاعر اللبناني نزار فرنسيس، وكتب ملحم جونيور عبر حسابه الخاص على موقع التواصل الاجتماعي “فايسبوك”،متوجهاً الى فرنسيس قائلاً:

” نزار فرنسيس انا ما رح سامحك على يلي عم تقولو،كن قلك عمو واستاذ بس هلق انت ما بتستاهلن ،لانك انت منك رفيق ومنك حقاوي، انت هلق ومبين انك مصلحجي ،بعاد عن امي احسنلك وما تدخلا بمشاكل ناس مريضة نفسياص بشي اسمو مي حريري نقطة ضعف بيي.
كانت نقطة ضعف بيي لآخر نفس بحياتو ( انت بتعرف انو امي ما تدخلت بشي وانت بتعرف انت شو حاكي لامي عن تانت رندا مرت بيي الله يرحو)

ف متلعب دورين لأنو آخر شي نحنا عيلة ورح نرجع لبعض وانت برا، شايفينك كيف لازق بكل التلفزيونات عم تحكي باسم بيي والعيلة ، بس لما اكتشفت تانت رندا انو انو انت عندك وجين وعندك مصلحتك عم بتفش خلقك باكتر شخص ممكن يرضيها ل تانت رندا لترضيها.

انتبه ما تروح مسيرتك الفنية تندفن مع بابا الله يرحمو خليك رجال واحكي الحق او التزم الصمت للابد.

وانت خليك ع جنب ركز عمستقبلك وع مستقبل بنتك يلي عم تحاول تشهرا باسم بيي يلي انا مش موافق عليه.

انا ملحم ملحم بركات ما بقبل تستعمل اسم بيي من هلق الا ما تعتذر من امي صحفياً بكل احترام،لأنو هي ما كانت الا جداً محترمة معك،وانت بتعرف انو هي اكتر انسانة عانت من وقت ما مرض بيي تكون نفسو بالسما وبكيت دم،والله يسامحك لانو ما تنسى بابا شايف كل شي وللاسف ألمك ما طلع متل نفسيتك .

“بليز نزار خود الموضوع جدياً

ملحم ملحم بركات