كيف نعى أهل الفن المايسترو إيلي مرهج

بقلبه المعهودة طيبته، والروح التي لن تتكرر والقامة الفنية التي لن تعوّض، خسر لبنان صديق “الكل” المايسترو إيلي مرهج. الفنانون منذ الأمس في حال حزن لا توصف، وهم عبّروا على حساباتهم عبر “تويتر” و”فايسبوك” عن ألم خسارة مرهج، وهذا بعض ما ورد على لسانهم :

– الفنانة ماجدة الرومي عبّرت بكلمات رثاء مرفقة بصورة تجمعها مع مرهج وكتبت على حسابها عبر” فايسبوك”:
“يا وووووويل قلبي
يا ريتني بكابوس بينتهي بعد شوي
وبيِسْلَم ايلي الحبيب الغالي إبني.
يا ريتني بكذبة اول نيسان
وحدا يطمِّن قلبي
ويقلِّي
شو هالكذبة البشعة
ويِسْلَم ايلي
يا ريت حدا يقلِّي قومي من هل المصيبة
قومي
بعدا الدني بخير
لا لا
لا الدني بخير
ولا انا بخير
ولا الايام بخير
ولا هالعيد عيد
يا وووويل قلبي ”

– عوض الرومي نشر الصور الأخيرة التي سبقت لحظة “السقوط” وعلّق عليها بالقول: “فليت كتير بكير يا إيلي”، وتابعت: “بكرا عرسك عند ربنا يا ايلي”.

– الشاعر حبيب يونس: لإيلي مرهج… الصديق من 35 سني… واللي بآخر كم أسبوع كتير التقينا وكتير حكينا، وقالتلي ماجدة الرومي إنو واحد من تلات ملايكي حطُّن ألله بدرب مسيرتا الفنيي… المسيح قام!!!
… وْمات عَ الْمَدْبَحْ
مِّنْ ضِحِكْ
ما غاب لَحْظا الصَّوْتْ،
ما في مَدى تْجَرَّحْ…
لِمِّنْ حِمِلْ قَلْبو
يرَتِّلْ لَـ الْوِلِدْ،
لَـ اللي قَهَرْ بِالْمَوْت
كِلّ الْمَوْتْ…
نِزْلِتْ الضِّحْكي
دَمْع عَ الْمَدْبَحْ…
هَيْك الْوِلِدْ،
لَيْلِةْ ميلادو،
بْضِحْكتو تْصَبَّحْ!!!

– سيرين عبد النور: الكلام مش ممكن يعبر عن الصدمة والوجع لسببه رحيلك #ايلي_مرهج يا هالقلب يلي كله فرح سكت الليلة على غفلة وراح #الله_يرحمك.

– كارول سماحة: يغمرني حزن عميق لفقدان ايلي مرهج العضو في الكورال الخاص بي. ايلي مرهج كنت شخصاً رائعاً ولن تنتسى، رحمك الله”.

– مروان خوري: يأبى هذا العام ان ينقضي دون ان يُغيّب المزيد من الاصحاب والزملاء ويترك الماً ومرارةً! ايلي مرهج الطيب والمتفاني فناً وإيماناً رحمك الله.

– جوزف خليفة: نام بسلام يا حبيب القلب يا صديقي ايلي مرهج، في قلب الله.