بزّي يفش خلقه : المير بدو يعد البحصات، بعدين وقّع الصفقة، ودخل عالحكومة، وهلأ جايي يقطف جهدنا

كتب الناشط المدني المحامي حسن بزّي عبر حسابه الخاص على ” فيسبوك ” تعليقاً على اعتصام اليوم امام مطمر الكوستابرافا قائلاً :

” بعرف أنه البوست مش رح يهم كتار بس بدي فش خلقي “.

أضاف : ” صرلنا سنتين بنحارب السلطة و الاحزاب لاقفال مطمر كوستابرافا و عملنا جهد قضائي مميز والله سبحانه و تعالى وفقنا و ربحنا الدعوى” .

قال بزّي : ” اليوم كان عنا اعتصام امام المطمر ، قبل دقائق من تلاوة البيان امام وسائل الإعلام وصل باص ، نزل منه رجل و معه 10 صبيان معهم أعلام الحزب الديمقراطي الإرسلاني ، الرجل أعطى الامر برفع اعلام الحزب خلف من يتلو البيان ليبينوا عالكاميرات ، خلصت التلاوة ، طفوا الكاميرات ، ساعتها الرجل ضب الاعلام و طلع صبيانه بالباص … و هيك خلصت مهمته اللي استمرت 10 دقايق .

تابع : ” يعني المير بدو يعد البحصات ، بعدين وقع الصفقة ، و دخل عالحكومة ، و هلأ جايي يقطف جهدنا بأسلوب صبياني و نحنا أصلاً تظاهرنا ضده و ضد كل الاحزاب المتواطئة “.

ختم بزّي : ” هلأ خلص البوست … ”

يسعد مساكم أحبتي .