إصغريلك شوي

إتطلعت فيي .. وهيي فيي إتطلعت .. والجمر بشرياني غِلِي غَلي ..

قالت .. إسمحلي حبَّك .. وما بدّي تكون إلا إليّ ..

قالت .. ظلّك أنا .. شمسك أنا .. الله يخليك ما تكبّر المسألي ..

قالت .. بيّضت الخُصل .. من حُبّي إلك .. أنا عم فتَّش بس عالمرجلي ..

الورد دعساتك .. والنعام مخداتك .. ورح أُرقصلك .. بالخصْر و كمان حنجليي ..

القلب إلك وحياتك .. وبيبقى إلك وما بينده إِلَّا بأحمدي ..

الشفاف عسلاتك .. والخدود حرّاسك .. وكلني بِأَمْر أوامرك إليّ ..

إتطلعت فيها أنا وقُلْت .. خلص الكلام .. إنتي القمر .. ومش بحاجة شهادة من شخص من الغزل قلبو إنحنيي..

أنا طير الحجل .. ومن زهرة لزهرة .. و ما برتوي ..

يا إنت بالعُمُر إصغريلَك شوي … يا بالعُمُر كبريني إليّي ..

المحامي احمد بشير العمري