حسن بزي عن إقفال مطمر كوستابرافا : السياسيين قاعدين عالكراسي بيقبضوا بلا ما يلاقوا حل ورح نسكّر المطمر

كتب الناشط المدني المحامي حسن بزي عبر صفحته الخاصة على” فيسبوك ” خبر يتعلّق بموضوع إقفال مطمر كوستابرافا الاثنين القادم قائلاً :

اولاً : ” نحنا قدمنا الدعوى لنسكر المطمر من سنة بالزبط ولحد هلأ اتحاد بلديات الضاحية الجنوبية ووزارة البيئة ما عملوا بديل وعم يتفرجوا مع نويح بدلاً من تقديم حلول “.

ثانياً : ” نحنا قدمنا الدعوى لان نسبة الامراض الرئوية والسرطانية زادت 420 % بسبب ردم النفايات بالبحر وحرقها دون محاسبة يعني عم ندافع عن صحة اولادنا و اولادكن “.

ثالثاً : ” ردم النفايات بالبحر عم بتم خلاف الاصول ودون فرز وهيدا الشي لوث البحر وسرطن السمك ورح يعرضنا لدفع تعويضات بمئات ملايين الدولارات للدول المجاورة ولا سيما الكيان الصهيوني في حال مقاضاتنا بسبب مخالفة اتفاقية برشلونة “.

رابعاً : ” طوال فترة سنة من المحاكمات لم يتواصل معنا أي مسؤول في اتحاد بلديات الضاحية الجنوبية في حين نحنا كحراك قدمنا خطة بيئية شاملة سلمت لوزارة البيئة و لم يتم إقرارها لغاية تاريخه “.

خامساً : ” مطمر كوستابرافا بسبب عدم الفرز استوعب 80% من مساحته، يعني رح يقفل فينا او من دوننا خلال مهلة اقصاها نيسان 2018 و جماعة الاتحاد عم يتفرجوا و ما عملوا خطة بديلة للمرحلة القادمة “.

سادساً : ” لما ترجع النفايات عالشوارع بكون المسؤول عن الازمة الحكومة والبلديات مش نحنا لانهم قاعدين عالكراسي بيقبضوا بلا ما يلاقوا حل … الاستقالة اشرف من انه تطمروا اشرف الناس بالزبالة “.

وختم بزي بعبارة : “خلص البيان”.