فينيسا بدران : خرّيجة أهانت باسيل

نشر فيديو لفتاة ادّعت على صفحتها عبر فيسبوك انّها خيّبت آمال وزير الخارجيّة والمغتربين في حكومة تصريف الأعمال جبران باسيل.

عندما رفضت مصافحته خلال حفل التخرّج السنوي الذي اقامته جامعة الآداب والعلوم والتكنولوجيا (AUL) في المدرج الروماني – زوق مكايل.

“الخرّيجة برّرت ما قامت به لكون باسيل بحسب ادعائها “شارك في صنع الفساد، اللّي خرّب مستقبل كتير غيري”، وبالتالي لا يشرّفها استلام شهادتها منه.

وبعد الجدل الذي حصل والضجة الذي أثارها الفيديو، ردت الطالبة فينيسا بدران عبر “فيسبوك” وقالت التالي:

“الي حابب يعرف مين البنت اللي خيبت آمال الوزير جبران باسيل، بحب خبركن بكل فخر ومن دون تردد:

انا البنت اللي ما سلمت عجبران.
انا البنت اللي ما تصورت مع جبران.
انا البنت اللي متل ما اعتبروها “نتشت” شهادتها من جبران.

بس قبل ما تعلقوا وتجلجقوها، عرفتوا ليش؟

لأنو ما بيشرفني استلم شهادة نضيفة بتأمّنلي مستقبلي على يد من شارك في صنع الفساد، اللي خرب مستقبل كتير غيري وعم بيقول انو عم يسعى لتأمين مستقبلنا وعم يوهمنا بأشغال كتيرة ومستقبل باهر.

انا ما سلمت مش لإستهزأ بالوزير، ما بالي صراحة بيوم تخرجي استهزء بحدا، بس يا ناس انا حرة، وانا هيك برتاح، يعني كان ناقصني بعد جبران يعكرلي مزاجي، بس شكلي انا اللي عكرتلو مزاجو لهلقد مأثر.

والأهم من هيك، إنو أنا فتت بشطارتي وعلاماتي عالجامعة، فيُرجى تصحيح البوست بكل احترام لأنو كرامتي أبدى من إنو وطي نفسي وإترجا إنسان لو مين ما كان، كرامتي أبدى من وزيركم ومن حكيو الفارغ وكرامتي ما سمحتلي سلم حتى عليه. فبعتذر يا جماعة، القصة مش بإيدي.

اللي بريحني عملتو. وبخصوص انو بتحبو تعرفو رأي الحكيم، نحنا مبادئنا كقوات لبنانية انو نكون صريحين وواضحين وما من “بيض طناجر” عالعالم وانا كنت صريحة مع الوزير. ما غدرت وما طعنت. بتضحكوا، اذا الواحد كان صريح وواضح مشكلة وإذا كان كذاب و”بييض” مشكلة أكبر.