انقلاب عسكري وأمني بتنفيذ قاضي، مش مشكلة قضائية!!

يللي بيفكر إنو يللي صار بالتحقيق بقضية تفجير بيروت والمرفأ مشكلة قضائية بيكون مش فهمان القصه كتير!

لأنو وقت القصة بتكون قضائية بتنحل بالقضاء، مش “قوى أمنيه” بيفتحو بواب السجون وبيطَلّْعو المتهمين قبل ما تنحل المشكله القضائية!!!

دور القاضي غسان عويدات كان تنفيذ لإنقلاب أمني وعسكري، بعد ما فشلت معركة ترهيب القاضي طارق بيطار وأهالي الضحايا والناشطين بالثورة!

هيدا القرار إجاه للقاضي عويدات مباشرة من حزب الله ومن حلفاؤه.

يعني أول مرحلة من التحقيق ومن قضية تفجير بيروت (ومش انفجار المرفأ) خلصت… لصالح حزب الله وحلفاؤه بتعطيل التحقيق وبتهريب الموقوفين!

مع إنو القاضي طارق بيطار وأهالي الضحايا صمدو بمعركه كبيره وصعبه! بس هلاء بلشت مرحلة ومعركة جديدة!